台灣婚紗攝影後記

第一日：試衫

去到酒店放低行李後, 就去試衫....

幫我試衫果個女人好無耐性,
第一轉佢拎咗7-8件衫俾我試, 講真個句,
真係件件都麻麻地, 連我男友都話d衫唔靚...
可能靚個d佢收起咗啦........

我只揀得啱一件深藍色晚裝,
跟住佢就俾說話我聽: "我拎咗咁多件衫俾你試, 件件你都唔鍾意!"
我試咗半個鐘都無, 佢就講呢d說話...
問心個句, 聽到真係好唔開心, 我特登由hk飛到嚟台灣,
竟然會得到咁既對待...

跟住我再問佢深藍色仲有無其他款,
佢又話無, 得一件,
但我見到隔離房個女仔都試緊件深藍色既晚裝.....
我試衫間房得婚紗, 咁我見到隔離房有掛晚裝,
咁我索性話想自己過去揀, 跟住佢又黑黑地面....

我見到有d衫放係櫃入面,
我問佢個d擇唔擇得, 佢又話個d唔係for影相...

攪到我超無心機....... 最後只係用咗1hr30min就擇哂5件衫連改衫!

可能第一日嚟就受到不禮貌對待, 個晚心情一直都唔係幾好,
好擔心如果攝影師都係咁就死火,
結果個晚瞓得唔好, 瞓下又醒下咁....

第二日：影相

8am到達, 開始化妝,
我化完妝後, 輪到男友化~

去到第一個景點-三芝, 不停咁落雨,
攝影師問我哋仲去唔去, 唉, 其實個時想轉第二個景點,
不過我特登擇咗條短婚紗影三芝架嘛, 唔想就咁浪費咗~
所以最後都係照去!

幸好攝影師同助手都nice, 等我之前個晚仲咁擔心添!

三芝係海邊, 加上又落雨, 我又著短婚紗,
凍到我一邊行一邊震, 影相時仲要落水, 凍到.....
影完第一個景點後, 已經消耗咗我一半既體力!

跟住去第二個景點-淡水
淡水熱到不得了! 頭先凍到震, 呢邊就熱到溶!
好極端....
太陽就正正係頭頂乾煎住我哋, 助手仲整埋反光板照住我哋,
其實已經曬到開唔到眼! 痛到流眼水..
所以影完出嚟d表情好似怪怪地..

第三個景點-美麗華迴旋木馬/摩天輪 (夜景)
夜晚美麗華真係好靚! 咁啱仲有live band~氣氛好浪漫~
呢個景點影得最舒服~
一來可能已經係夜晚~~
二來係因為係室內, 唔駛再日曬雨淋喇!

影完之後去食麻辣火鍋, 放縱一下!
其實全日都好肚餓~不過d衫好緊~
下晝爬咗幾啖飯就無食~d衫束到無胃口食嘢

第三日：揀相

我哋下晝４點先去睇相, 一共有 377 張相, 要揀46張~
開頭都會擔心自己會唔會加相~
但用咗一個鐘多d, 已經飛咗三份之二既相~
都唔似d準新娘講要坐成6,7個hrs揀相... 可能我個d無人哋咁靚啦~ >_<

Total 用咗4hrs就攪掂哂~
我哋無加相, 亦無upgrade相簿~
緊守46張相的關口~