婚禮倒數九個月,
朋友們都催促我要開始準備嫁衣裳,
終於的起心肝, 去了Total四間婚紗舖~
第一間: 唯美主義
未去之前上網做過功課, 人哋話d衫都幾靚, 不過sales就好串..
不過諗住可以free試2件, 所以打算照去睇吓都無妨~
試衫之前個日, 唯美主義會打電話嚟 remind試衫,
都算貼心服務~值得一讚!
負責serve我的sales叫carmen, 網上都有人讚過她是不錯的sales,
可能今次係自己好彩啦, 咁啱遇著佢~
本來淨係free試兩件, 後來佢拎多幾件俾我試,
d衫的確係好靚同新淨,
不過價錢就偏貴, 大約$11xx 租一件衫,
試完之後,
carmen好識做自己行開咗一陣,
俾我同男朋友自己商量吓,
最後我哋都係話返去再考慮吓先,
無即時join, carmen都無黑面~ 呢個都係值得一讚~
呢間試衫前一日會有電話remind~值得一讚!
去到見好多客試衫, sales們都好忙, 睇得出好多人幫襯~
款式都好多種類, 不過老實講唔算好靚,
package幾抵 $6980 包哂十套衫~ 不過拖尾婚紗要另加錢,
今次同樣大約試了6件, 都係無乜心水中...
整個過程中, 睇得出個sales都好有heart serve我,
最後無join, sales都無黑面~ 都係值得一讚!
呢間試衫前無電話remind, 相比之下覺得無咁貼心,
舖內既衫以A Line款為主,
Total試了大約6件, 試完後只得一件中自己心水,
得一件中心水的話, join package就無謂啦~
最後話返去考慮吓先, 個sales黑黑地面......
呢間試衫前無電話remind...
其實未去之前都知自己唔會join, 上網睇過佢哋website...
4千幾蚊已經有十套衫.....
上到去感覺好似貨倉, d衫掛哂係架, 要自己揪出嚟睇..
同埋d衫入哂袋, 真係睇唔清楚條裙,
而且有80%係金都泡泡裙款......
結果千挑萬選下, 晚裝款我自己只揀中一件試,
可能d衫真係唔係我杯茶啦...
